За ЦКБ АД Скопје
Централна кооперативна банка АД Скопје е финансиска институција во Република Македонија чиј мнозински пакет на акции е во сопственост на Централна кооперативна банка АД Софија, Република Бугарија. Истата година со влегувањето на македонскиот банкарски пазар во 2008 година, Централна кооперативна банка АД Софија стана најголем инвеститор во РМ.
ЦКБ АД Скопје нуди универзални банкарски услуги во сите сегменти на банкарското работење. Од Народната банка на РМ е овластена за вршење платен промет во земјата и странство и е активна во работењето со менувачки пазар, акредитиви, гаранции, меѓународни плаќања, кредитно работење и берзанско работење. Покрај ова, ЦКБ АД Скопје има развиени кореспондентски односи, а исто така е членка и на Visa International. Централна кооперативна банка АД Скопје има 26 експозитури низ земјата.
Визија
Нашата визија е да станеме една од најдобрите големи банки во Република Македонија и да бидеме сигурен и конструктивен партнер на секој наш клиент.
Мисија
Нашата мисија е да креираме трајни врски со нашите клиенти и подлабоко да навлеземе на македонскиот пазар преку финансирање мали и средни претпријатија и физички лица како и понуда на современи финансиски услуги кои ги исполнуваат највисоките професионални стандарди, притоа стремејќи се да одржуваме позитивна и стимулативна работна атмосфера и да ги поттикнуваме иницијативите и наградуваме реалните резултати и успеси.
Цели
Нашите цели ги изразуваат патиштата за постигнување на нашата мисија преку изградба на финансиски стабилна и просперитетна институција на македонскиот банкарски пазар, пораст на бројот и квалитетот на услугите, воведување нови и современи производи и услуги, пораст на бројот на клиентите, зголемување на ефективноста и ефикасноста во работењето, развој на мрежата на експозитури и филијали, развој на интернет банкарството, пораст на мрежата на банкомати, понатамошно забрзување на развојот и усовршување на информатичките технологии што ги користиме, првокласна обука и можности за долгорочен професионален развој на вработените и на менаџментот.