Станбен кредит со валутна клаузула во ЕУР

ПРОМОТИВНО ЈУНИ 2025

2,90% фиксна каматна стапка за првите 5 години, при рефинансирање станбени кредити од други банки, како и за кредити со рок до 15 години
3,20% фиксна каматна стапка за првите 5 години, за сите други случаи
4,00% променлива каматна стапка по периодот со фиксна каматна стапка, при рефинансирање кредити во други банки
4,20% променлива каматна стапка по периодот со фиксна каматна стапка
Без провизија за барање за кредит/аплицирање
Без трошоци за проценка за првата година, за одобрени кредити
Без надомест за правно мислење
Без трошоци за нотар
Можност за отстапка на вкупниот трошок за камати до максимум 2.000 евра за: млади вработени брачни партнери (само за прв брак); вработени семејства со прво дете (родено не повеќе од 12 месеци пред аплицирањето)

НАМЕНА И ПАРАМЕТРИ НА КРЕДИТОТ

Кредитот е наменет за изградба и купување на станбен простор, рефинансирање на станбени кредити во банката или други банки, купување на станбен простор и истовремено реновирање, рефинансирање на станбени кредити и истовремено реновирање.

Износ на кредитот - До 300 000 ЕУР во денарска противвредност

Рок на кредитот - До 360 месеци

Грејс-период - до 12 месеци

Редовен работен однос на неопределено време најмалку 6 месеци пред аплицирањето.Услови за кредитобарателот:

Редовен работен однос на неопределено време најмалку 6 месеци пред аплицирањето.
Работен однос на определено работно време, најмалку 12 месеци пред аплицирањето за кредит.
Кредитобаратели кои до истекот на кредитот ќе наполнат најмногу 75 години.
Односот помеѓу вкупните обврски кон сите банки, штедилници и други финансиски институци и вкупните приходи на кредитобарателот, на месечна основа, (ДСТИ) не смее да биде повисок од 50%. Овој процент ја покрива и валутната компонента на кредитниот ризик.
Односот меѓу вкупната кредитна изложеност на кредитобарателот кон сите банки, штедилници и други финансиски институции и вкупните приходи коишто истиот ги остварува, на годишно ниво (ТДТИ), не смее да биде поголем од 15 доколку користи и кредити со залог или 6 доколку користи само кредити без залог.

РЕДОВНИ КАМАТНИ СТАПКИ

Kредитобаратели коишто платата ја примаат на сметка во Банката и на кои во рок од 30 дена ќе им бидат одобрени дозволено пречекорување или кредитна картичка

Кредитобаратели кои не примаат плата на сметка во Банката и користат задолжително минимум 2 дополнителни кредитни производи

1. За кредитобаратели кои купуваат станови впишани во имотен лист:

3,70% фиксна каматна стапка за првите пет години и 5,00% (шестмесечен ЕУРИБОР од 2,577% + 2,423% фиксен дел) променлива каматна стапка за периодот потоа или 4,80% (шестмесечен ЕУРИБОР од 2,577% + 2,223% фиксен дел) променлива каматна стапка за целиот период. Дозволени се дополнителни корекции на каматните стапки и тоа:

За минус 0,20 пп отстапка на фиксната каматна стапка при рефинансирање на станбени кредити или при лични нето месечни примања над 40,000 мкд односно семејни над 70,000 мкд
За минус 0,30 пп отстапка на фиксната каматна стапка кога параметарот ЛТВ изнесува најмногу 60% или во случај параметарот ДСТИ да не е повисок од 40%
За минус 0,20 пп отстапка на променливата каматна стапка или на променливата стапка за целиот период (за целиот период само со претходна дозвола), во случај клиентот самостојно да понуди да винкулира ризико полиса или животно осигурување кое покрива најмалку 30% од кредитот.

2. За кредитобаратели кои купуваат станови впишани во лист за предбелешка, од листа на преддефинирани инвеститори:

3,90% фиксна каматна стапка на годишно ниво за првите 5 години од кредитот за фаза на градба затворена карабина и 4,30% фиксна каматна стапка на годишно ниво за првите 5 години од кредитот за фази пред тоа.

5,50% (шестмесечен ЕУРИБОР од 2,577% + 2,923% фиксен дел) променлива годишна каматна стапка за целиот период

* Преглед на референтни каматни стапки

РЕДОВНИ ПРОВИЗИИ И НАДОМЕСТОЦИ

Провизии и надоместоци:

1990 мкд провизија за аплицирање
1,50% управувачка провизија за првиот месец и 0,01% за секој нареден месец
Без трошоци за проценка во случај кредитот да се одобри
2.400 МКД надомест за изработка на правно мислење

Провизии за предвремена отплата на долгот:

Без провизија за предвремена отплата на кредитот од сопствени средства по истек на периодот со фиксна каматна стапка
0,25% провизија за предвремена отплата на кредитот од сопствени средства во периодот со фиксна каматна стапка
4,50% провизија за предвремено затворање на кредит, при рефинансирање со кредити од други банки - еднократно на остатокот од долгот

Останати трошоци:

3000 МКД за промена на амортизациски план по барање на клиентот
200 МКД провизија за известување за секој неплатен долг
0,10% провизија за продолжување на период со фиксна или пониска предвидена каматна стапка на секои нови 12 месеци
трошоци за осигурување
трошоци за интеркаларна камата

СТАПКА НА ВКУПНИ ТРОШОЦИ

СВТ при промотивни услови:

3,69% - за кредит во износ од 50 000 ЕУР, со рок на враќање од 240 месеци со фиксна каматна стапка од 2,90% за првите 5 години, а потоа 4,20% променлива каматна стапка.Вкупните трошоци ќе изнесуваат 20.776 ЕУР

СВТ при редовни услови:

3,99% - за кредит во износ од 50 000 ЕУР, со рок на враќање од 240 месеци со фиксна каматна стапка од 3,50% за првите 5 години, а потоа 4,20% променлива каматна стапка.Вкупните трошоци ќе изнесуваат 22.351 ЕУР

Примерот е даден за кредитобаратели кои ги исполнуваат следните услови:

Kупупуваат станови впишани во имотен лист
При рефинансирање станбени кредити или при лични нето месечни примања над 40 000 мкд, односно семејни над 70 000 мкд и доколку вредноста на кредитот изнесува најмногу 60% од вредноста на обезбедувањето или односот помеѓу обврските кон сите банки, штедилници и други финансиски институции и вкупните приходи на кредитобарателот, на месечна основа не се повисоки од 40%
При винкулирана полиса за животно осигурување со штедна компонента која покрива најмалку 30% од кредитот или соодветна ризико полиса

ОБЕЗБЕДУВАЊЕ И ПОТРЕБНА ДОКУМЕНТАЦИЈА

ОБЕЗБЕДУВАЊЕ:

Односот помеѓу износот на кредитната изложеност кон физичкото лице и вредноста на недвижноста над која е воспоставен залог (ЛТВ), не смее да надминува 85%. Како дополнителен интерен лимит се поставуваат 80% за имоти во Скопје и 75% за имоти надвор од Скопје

Односот помеѓу износот на кредитната изложеност кон физичкото лице и вредноста на недвижноста над која е воспоставен залог (ЛТВ), не смее да надминува 85% за имоти во Скопје и надвор од Скопје, во следните случаи (оваа опција е дозволена исклучиво со претходна консултација и одобрување):

Обезбеден е дополнителен кокредитобарател, иако кредитобартелот и сам го исполнува условите за одобрување на кредитот. Во овој случај кокредитобрателот треба да исполнува услови за кредитоспособност кои одговораат на 70% од износот на кредитот

Винкулирана е полиса за животно осигурување со штедна компонента која покрива најмалку 30% од износот на кредитот

Хипотека
Полиса винкулирана во корист на Банката
недвижен имот – кој е цел (намена) на кредитот
друг личен недвижен имот на кредитобарателот
недвижен имот, сопственост на трето лице
друго обезбедување – залог на парични средства, жиранти
комбинација од горенаведените обезбедување

ПОТРЕБНИ ДОКУМЕНТИ:

Барање за станбен кредит
копија од лична карта на кредитобарателот и на сопругот/сопругата
копија од лична карта на сопственикот/сопствениците на имотот кој служи како обезбедување на кредитот, во случај кога хипотекарниот имот е сопственост на трети лица
потврда од работодавачите за редовен работен однос за последните 6 месеци и образец М1/М2 (копија заверена со печат и потпис од одговорно лице во правното лице)
извод за последните 6 месеци од трансакциска сметка од Банката, за клиенти кои не ја примале платата во ЦКБ
заверување податоци
административна забрана на плата со изјава (не е задолжителен документ, но е пожелно да го има)
Меница со менична изјава
изјава за поврзани лица (образец)
изјава за семејна и имотна состојба
преддоговор за купопродажба

Потребна документација за имотот:

Правен основ за упис на сопственост за предложениот имот, имотен лист за сопственост не постар од 10 дена
пазарната проценка на недвижниот имот се изготвува од овластен лиценциран проценител /по избор на Банката
Осигурителна полиса дека имотот е осигуран во корист на Банката и документ со кој се потврдува дека осигурителните премии се платени
Имотен лист по укнижување на хипотеката по корист на Банката
други документи по проценка на Банката