Платежни услуги во земјата

Платежни услуги во земјата за правни лица

Што нуди платниот промет

Централна кооперативна банка АД Скопје како давател на платежни услуги преку својот систем за платежни услуги овозможува ефикасно, сигурно и брзо извршување на сите видови плаќања.
Со вклучување во платниот промет на Централна кооперативна банка Скопје имателите на сметка во Банката имаат можност за:

- комбинација на сметките за вршење на платежни услуги во земјата и платежни услуги со странство;

- доставување на платни налози во било која експозитура на Банката;

- доставување на платни налози на повеќе начини (хартија, CD, USB, CCBOnline);

- добивање на извод за промените и состојбата на сметката на повеќе медиуми ( на шалтер или во фах, e-mail, интернет);

- користење на систем за електронско банкарство преку интернет (CCBOnline), односно реализација на плаќања без при тоа да се доаѓа во експозитурите на Банката.

Отворање на платежни сметки за правни лица

Во платниот промет на Централна кооперативна банка АД Скопје, Банката на барање на клиентите правни лица отвора платежни сметки за вршење на работите на платежни услуги врз основа на доставената документација, и тоа:

- Апликација за идентификација/ажурирање на клиент;

- Барање за отворање на платежна сметка;

- Пријава за овластени лица на платежна сметка;

- Пријава за овластени потписници на платежна сметка;

- Рамковен договор за отворање и одржување на платежна сметка;

- Решение за упис во надлежниот регистар или кај друг надлежен орган;

- Извадок од законски пропис ако корисникот е основан со закон;

- Акт од надлежен орган, ако корисникот не е запишан во регистарот и не е основан со закон;

- Образец ЗП (заверен потпис на лице овластено за застапување);

- Фотокопија од важечка лична исправа на овластените лица и овластените потписници на платежната сметка.

Доколку правното лице претходно има отворено платежна сметка кај друг давател на платежни услуги, истото, согласно законот, може да отвори платежна сметка и во платниот промет на Централна кооперативна банка АД Скопје.

Трансфери на средства

Корисниците на платежни услуги-иматели на платежни сметки во Банката своите плаќања може да ги извршуваат преку следниве системи:

- Македонски интербанкарски платен систем - МИПС на Народна Банка на РСМ, преку кој се реализираат итните платни налози и налозите на износ над 1 милион денари. При реализација на платежните трансакции преку системот на МИПС, примачот може веднаш да располага со дозначените средства;

- Клириншки интербанкарски систем - КИБС на Клириншката куќа АД Скопје, преку кој се реализираат сите останати платежни трансакции кон друг давател на платежни услуги, каде примачот може да располага со средствата на крајот од пресметковниот ден;

- Доколку плаќањата се вршат помеѓу корисниците на платежни услуги иматели на сметки во Банката, односно трансакциите се извршуваат во т.н. интерен клиринг, примачот располага со средствата на сметката веднаш по извршувањето на платежната трансакција.

Како да ги реализирате вашите налози

Имателите на платежни сметки во Централна кооперативна банка АД Скопје платните налози може да ги достават на извршување, и тоа:

- на печатени обрасци со физичко доставување во било која од експозитурите на Банката;

- на магнетен медиум во однапред утврден формат; или

- преку интернет со користење на системот за електронско банкарство (CCBOnline).

Изводи за состојбите на сметките

За извршените платежни трансакции преку платниот промет на Централна кооперативна банка АД Скопје, банката изготвува извод за промените и состојбата на сметката.

Доставувањето на изводите се врши на повеќе начини и тоа: